هذا الموال بين الشاعرين محمد العازمي وسلطان المنصوري (خليفة راعي الباكور ) من ضمن رباعيه بين الشعراء وهم محمد العازمي وفلاح المورقي وسلطان المنصوري ووصل العطياني المقاطي وحبيت أن أقتطف لكم الطاروق الذي بين محمد العازمي وسلطان المنصوري لانه قوي في المعني والطاروق الذي بين فلاح ووصل طاروق فكاهي
وهذا الطاروق فيه أبيات أعجبتني بين الشاعرين وأتمنى أن تنال أعجابكم ,,,,,,,,,,,,
ولكم المحاوره :
بدع محمد العازمي :
قم يافلاح المورقي تاج راسي
ماعاد أبه مجلاس فوق الكراسي
الليل ياشعار قافن حماسي
يالله عسى خيرة ويالله عسى خير
راح سلطان ابن هياف يم الجنوب
وأغلب الناس راحو كلبوهم وراه
رد سلطان المنصوري :
دام الرباعيه بدت ياولد روق
جينا علي شانك نسوق القدم سوق
معاد فيها كل مطرود ملحوق
يالله عسى خيرة ويالله عسى خير
تعرف أنا رجال ما نغر الدروب
نجرح الجرح ياروقي ونعرف دواه
بدع محمد العازمي :
وش فيك ياسلطان ورطت صاحبك
من حاسبه وشلون مثله يحاسبك
الله على ماصار به يعاقبك
يالله عسى خيرة ويالله عسى خير
الرحى كل مادارت تدق الحبوب
بيض الله وجه اللي يدير الرحاه
رد سلطان المنصوري :
يامخبل اللي وده يداحم ثبيت
ويحاول يسوي مثل بيتهم بيت
مثل العزاوى ماتبي تحيي الميت
يالله عسى خيرة ويالله عسى خير
يالله اليوم لاتكتب علي الذنوب
بارد الزند والله أني ماتعصى عصاه
بدع محمد العازمي :
والله ونعم بكل ربعي وأنا أخوك
حديت بعض الناس ياطى علي الشوك
الله يبيض وجههم يوم مشوك
يالله عسى خيرة ويالله عسى خير
الجبال الرواسي ماخلفتها الهبوب
أنتبه للجبل قدام تصدم حصاه
رد سلطان المنصوري :
مدري متي تاصل نجوم الثريا
وأنت لك أشهر وأنت واقف هنيا
أما الثبيتي كاوي القوم كيا
يالله عسى خيرة ويالله عسى خير
أنت في طايرات الميج مالك ركوب
روح ودور عراوي وأنسدح في ذراه
بدع محمد العازمي :
خابرك ياسلطان في الجو طاير
مار انتبه تصدم في روس العماير
عيشتك تاخذها من ام الكباير
يالله عسى خيرة ويالله عسى خير
والله اني مع اهل الموجبات محسوب
رافع نفسي ولا اكل طعام الزكاه
والمعذره علي القصور والاخطاء الاملائيه اذا كانت موجوده أو عدم فهم البيت من كاسيت النقل ,,,,,,,,
ولكم تحياتي ومنقولي ...................
الإهداءات
07-18-2008, 02:32 AM
طاروق موال جميل وجديد
