في عام 1404هجريه وصل الي الشيخ عبدالله بن دخين الثبيتي خبر وفاة الشاعر الكبير محمد بن تويم الثبيتي رحمهما الله جميعا وطلب من الاستاذ حسين محمد الذويبي ان يقود السياره الخاصه به الي منزل الشاعر محمد ابن تويم لرد واجب العزاء ولكن عندما إقتربوا من المنزل لم يلاحظوا وجود ناس عند المنزل وكان أيامها لاتوجد تلفونات كما هوالحال في هذه الايام وطلب الشيخ التريث والسؤال بحيث لايشعر بهم احد وبالصدفه واجههم احد اقارب محمد بن تويم ورحب فيهم وكان يعرف الشيخ ولكن الشيخ اعتذر واخذ يسأله عن احوال ربعه وخص بالسؤال الشاعر محمد ورد الرجل بإن محمد بصحه جيده والحمد لله وأتضح للشيخ ان الخبر كاذب وقد كان الشيخ اثناء الطريق قد نظم قصيدة رثاء في الشاعر محمد بن تويم وبعد رجوعه للبيت كتبها وطلب من الاستاذ حسين ان يوصل القصيده الي محمد بن تويم ويبلغه ان الشيخ عازمه الخميس القادم في منزله الخاص وعند وصول القصيده والعزيمه للشاعر محمد بن تويم لم يكن منه الا ان لبى الدعوه وعند وصوله لبيت الشيخ في ليلة الخميس قال ياشيخ عبد الله انا رديت على قصيدتك وقال ممازح للشيخ انت الله يجزاك خير صعبت القافيه ضحك الشيخ وقال يامحمد انا احسب انك مت لودريت انك حي ما صعبت القافيه 0
ودارت الايام والليالي وتطلب المنيه الاثنين في سنه واحده تقريباً0
واليوم وانا اورد هذه القصه والقصيدتين ناخذ منها العبر ان الحياه مرحله قطعها الأوائل ونحن على اثرهم 0
والان اترككم مع قصيدة الشيخ عبد الله بن دخين الذويبي الثبيتي وهو مبنى من مباني عتابعه ورد الشاعر الكبير محمد بن تويم شاعر المحاوره المشهور رحمهما الله جميعاً واسكنهم فسيح جناته
ياالله لحكمـك نعطـي السمـع والطـوع =نحمـدك يـارب المخالـيـق ومـطـاع
قالـوا محمـد مـات وأمسيـت مفجـوع=كثـرن هناديبـي وضاقـن الأوســاع
واصْبَحْ علَيّ الصبح مرِكي علـى كـوع=والعيـن سِهْـرتْ والمخاليـق هِـجّـاع
يقطعـك يـا دهـرٍ للأجـواد قاضـوع=عطب الضرايب لـلا صاويـب شـلاّع
لا جـا سهـام المـوت مادونـه ادروع=المـوت حـق ولا عـن المـوت فـرَّاع
لو للفـدى نفـدي عـن الشيـخ بجمـوع=وان جـا القـدر ماعـاد للعمـر مدفـاع
النـاس يخْتلفـون فـي لـون واطبـوع=والفـرق مابيـن الرياجيـل الأطـبـاع
يوم الرِّدى حبله مـن الوصـل مقطـوع=ويهّبّْـط الأســواق ربـعـه ويبـتـاع
محمـد ابـن تويـم إلِـه فنـد وافـروع=ونقضي على فكـرة مصيـفٍ ومربـاع
وعند العرب قولٍ يٍهَجِّـي عـن الجـوع=وعنده اسمـانٍ تِشْبـع الخصـم لاجـاع
مرحـوم ياشيـخٍ عـريـفٍِ وبـاتـوع=حـلْـو اللـسـان وللتماثـيـل بــرّاع
بعـض العـرب نبكيـه لامـات بدمـوع=نبكي علـى فقـداه ولـن مـات نرتـاع
وبعض الرجال إن عاش وان مات جربوع=مايفْقِـده غـيـر الحليـلـه والأمـتـاع
هـذا الٍـذي علِّـه ولا فـيـه منـفـوع=عِلَّـة نحـر سُقـمٍ علـى الكبـد ينْـداع
سُقْمٍِ علـى ربعـه مـن العـز مخلـوع=الِّلـي لهـرج أم الخلاخـيـل مِـطْـواع
تِسقيـه مـن كـاس المحبيـن قرطـوع=وترميه من روس السرايـا علـى القـاع
ويجي مِعِه مثله علـى وصـف واطبـوع=ولاضاعت الشيمات ضاع الأمـل ضـاع
وان راح إلِي سيـفٍ مصقَّـل ومصنـوع=سيـفٍ نماريبـه طويلـيـن الأبــواع
ماعاد إلِي فـي باقـي النـاس مطمـوع=من عام الأوَّلْ عِفْـت غاويـن الأسنـاع
والقـول مالـي فيـه نِيَّـه ومـشـروع=ماعـاد ابَفْتَـح للهواجيـس مـصـراع
ومن مـات لابـدِّه مـن الخلـق متبـوع=الـمـلـك لله والمخـالـيـق تِـبَّــاع
أخذ الملوك اللـي لهـم صيـت مرفـوع=اللـي عساكرهـم تضيـق ابهـا الأرواع
وهذا رد الشاعر الراحل محمد بن تويم يرحمه الله
حِيِّيِّـت ياقـول مـن الشيـخ مسـمـوع=لاشك نسمع لـه ليـا أصْغينـا الأسمـاع
لحيث بعض القول إلِـه جنـب واضلـوع=ولِـه سنـامٍ فـوق نابيـت الأضــلاع
لاهنـت ياشيـخٍ مـن الهـم مـاجـوع=حماك رب البيـت مـن كـل الأوجـاع
ولاهنت ياطـرفٍ مـن النـوم ممنـوع=العيـن تبغـى النـوم والغيـض منّـاع
والمـوت حـق وللمخالـيـق بـالـوع=ســواة بـحـر للمهـمـات بـــلاّع
وارواحنـا فاجسـادنـا زرع مــزروع=ماظنـه ابْخافـي عـلـى كــل زرّاع
والكـذب عـادة كـل مجـرم وخرفـوع=يميـع زبـد الكـذب والصـدق مامـاع
والله ماينقـص مـن أيـامـي اسـبـوع=لـو كذبـتـه تـعـدت امطيرواسـبـاع
مـن طـاوع الشيطـان يِغْتَـر ويتـوع=ومـن طـاوع الرحمـن ماهـو بتّـواع
واقلبـي اللـي نحـو عبـدالله يــزوع=أثِـرك يابـن ادخيـن للقلـب نــزاع
بعض العرب سِمْعَـوا ولاجونـي فـزوع=وانته على وضـح النقـا جيـت فـزاع
فـازع وموشـي لـك قناديـل وشمـوع=هدفك منهـا تسـري الليـل فـي سـاع
وتقص درب الـداب ابـو ذيـل مجبـوع=اللـي دَخـل مابيـن صيـوان واشـراع
مشكور يالحِلحِيـل فـي كـل ماضـوع=ويـا ضِـدٍ للأخصـام بلـسـان وذراع
ماقَفـك ماقفـنـا ومجلـسـك مـربـوع=مِنِّـي عليـك البِيـض تِنْشَـر وتِـنْـذاع
رواية الشاعر طايل الذويبي
الإهداءات
03-17-2008, 03:51 PM
ابن دخين وابن تويم
