في الحقيقة انني اعجز عن شكر كل من شاركوا في هذه المسابقة الشعرية والتي كانت مجرد طلب وفكرة يستحق الشكر عليها الأستاذ مرمر الشوق

ونظرا لأن سياسة هذه المسابقة اقتضت الا تعلن النتيجة الا بعد اربعة او خمس مسابقات بناء على اجتماع اعضاء الادارة الخاصين بهذه المسابقة

لذلك احببت ان اجمع القصائد جميعا هنا ونعلق عليها بعض التعليقات المبدئية ومن ثم نبدا في المسابقة الثالثة ,,
,,,,,,,,,,,,

,,,,,,,,,,

القلب صندوق السراير والافكـار
والهرج مفتاح القلـوب المغاليـق
لو كان ماقيست هرجـك بمقـدار
اخيرلك دفنه في قبـور المعاليـق
هرجتـك لاوليتهـا كـل مكـار
صندوق سرك يفتحـه للمخاليـق
لو كـان كاتمهـا بقلبـه سنمـار
ما طوحت به من قصور مشاهيق
واذا على نفسك تثاقلت الاسـرار
أمنبها مطلق من رجال مطاليـق
مايفضحك لو هو يورد على النار
لو هي على صدره أثقل من طويق

ماجد الثبيتي ( قصيدة جيدة ولك هناك بعض الملاحظات في قولك اخيرلك دفنه في قبـور المعاليـق ,, ارى ان هذا البييت يحتاج منك التعديل فيه , وكذلك البيت لو كـان كاتمهـا بقلبـه سنمـار,, لم اعرف مامعنى سنمار ) وشكرا لك



القلب صنـدوق السرايـر و الأفكـار
و الهـرج مفتـاح القلـوب المغاليـق
أكن في صدري حمـو واهـج النـار
و أصرخ بصوتي فوق روس الشواهيق
الدمع من عيني علـى الخـد مـدرار
و على عفو ربي أنا مـن المشافيـق
اخشع لربي و اخضع بوقت الاسحـار
و اجنـب دروب الشبـاب المطافيـق
عسى ربي يسكنـي بوسـط الابـرار
وعلىالسكن في جهنـم والله مااطيـق
ياربي اخنم لي بحسن تـال الأعمـار
و إجعل دروب الخير ليـه طواريـق


فارس من بني وايل ( حضورك شرف لقبيلة الثبته وقصيدتك جميلة ولو ان هناك ملاحظة في بيتك القائل فيه عسى ربي يسكنـي بوسـط الابـرار
وعلىالسكن في جهنـم والله مااطيـق ) وشكرا لك


دايم كلام الطيـب للشّـر كسـار
مايستمع للشّـر كـود المصافيـق
وادمح خطا الطيب ولو الزمن جار
تكسب بياض الوجه بين المخاليـق
يازين خوة مـن تحبـه وتختـار
وانته على جنبه تجـر الطواريـق
خل الوفا طبعك ولا فيـه تحتـار
تلقى من المولى خيـار التوافيـق
وخلك على ما جا من الوقت صبار
وسبّح بحمده لاغشا صدرك الضيق

بدر الشمال ( مبدع دائما يابدر وفالك البكار الوضح يابدر الشمال )


والديـن مفتـاح السعـادة يالاحـرار
ومن سار في درب الخطا دربه يضيق
لا ضاق صدري قمت شبيت أنا النار
فـي ليلـة قمـرا ولابـه مخالـيـق
في جو هادي جـو رايـق للاشعـار
ابحث هموم(ن) فالخفا يمكـن افيـق
عن مامضا لي فالزمن والزمن جـار
ون قلت وينك يالفرج قامـت تضيـق
مالي يكـون الصبـر والوقـت دوار
ون ضاق صدري قمت اجر الطواريق


صقر الثبته ( قصيدتك لا تعليق عليها ,اتمنى لك التوفيق دائما في حياتك )



يابوعناداليوم في وقـت الاسحـار
اعطيتهـا منـي عهـود ومواثيـق
ياعنك خلي ماوطى بارض بشـار
ولا حط بالوجنه كريـم ومساحيـق
من دار نجد وماعرف مدخل البـار
ولاصفقوا له من على البست تصفيق
ليـا ذكرتـه دق بالقلـب مسمـار
ونا أشهد إنـه ساكـن ٍ بالمعاليـق
خليت قافـي فيـه ورده ومصـدار
وسلطـان راع الاولـه يالمطاليـق




معيوض عبيدالله الحشيشي ( ماعليك زود يامعيوض ,, لكن اللي ابى اعرفه وش قربك نجد واهل نجد وانت حجازي قح يابو فيصل ,,, عموما انت مبدع دائما وفالك الوبران اللي تنشر صورها في المنتدى )


يابـن عبيـد الله تمثـل بالاشعـار
وشاقتني الحونك وجـر الطواريـق
يامعيوض اللي رابيه بين الاحـرار
ماهي كما اللي رابيـه فالزقازيـق
عاشت على الفول المدمس وهو حار
دايم وهو مطعومهـا فكـت الريـق
وطرى لها بعد الشبع دقـت الطـار
وراحت على المسرح لقوم الطرابيق
بنت الوطن بنت الوطن شمعة الدار
هي منوتي من بين كـل المخاليـق



ساكن تبوك ( انت اكبر من النقد ,, لكن انتبه من تحركات معيوض وتوجهاته السياسية )



القلب صندوق السراير والأفكـار
والهرج مفتاح القلوب المغاليـق
حكمة وخلتني من ايـام محتـار
مره اقول اتليق ومرات ماتليـق
قلت استدل بواقعي كل ماصـار
واقطعك انا ياسالفة ليـق ماليـق
ناظر عيونً تحمل افكار وسرار
تربعت بين الرمـوش المعاليـق
تاقف على رمشي وبالخد تنهـار
وتبوح ماتدري لكـل المخاليـق
يدً على الماء ماهي مثل إيد بالنار
وقفه معي تحتاج وقفـه وتعليـق

مرمر الشوق ( يكفيك انك صاحب الفكرة ,,, ولكن لي ملاحظه على بيتك :يدً على الماء ماهي مثل إيد بالنار وفالك التوفيق ان شاء الله )


لا واوجودي وجد من واطـي النـار
ويونس حرارتهـا بوسـط المعاليـق
وقتي حدانـي ليـن عيفنـي الـدار
كل الدوايـر فـي عيونـي مغاليـق
من كثر مـادور وظيفـه يالاحـرار
خابت ضنوني في جميـع المخاليـق
اجمع شهاداتي ومن كثرهـا احتـار
اطرد سراب (ن) من على فكت الريق
بيـن الدوايـر كـنـي الــف دوار
ووراقي أكبر لو تجمع مـن اطويـق

المعاند ( بيـن الدوايـر كـنـي الــف دوار ,,, مادام الدعوى دوار واحد بسيطة الامور كلها ,,, وان شاء الله تحصل الوظيفة التي تسمو اليها يالمعاند ,,اما بالنسبة للقصيدة فقصيدتك جزلة وانت جزل يالمعاند وفالك سايارة دايوووو )


القلب صندوق السراير والأفكار
والهرج مفتاح القلوب المغاليق
حي الكلام الي مثل طلع الاثمار
ولايحفظه غيرالرجال المطاليق
ولايفهمه يدرى طويلين الاعمار
ولاعندهم في طيب القول تفريق
الهاجس الي مربالي وهومـار
مالي عنه مجنب ولالي مداريق
حلوالمثايـل كنهانورالاقـمـار
طرقت معناهاسوات المطاريق
واختامهاصلوعلى خيرالابـرار
موضح(ن)الحق من دون تبريق




الساير ( قصيدتك تستحق عليها الشكر ,,وفالك العلم الطيب )

القلب صندوق السراير والأفكـار
والهرج مفتاح القلوب المغاليـق
أحس أنا في جوف قلبي كما النار
تصلى فؤادي والضلوع المعاليق
لا والله ألا عرضتني للأخطـار
معها فؤادي والجسد عايش بضيق القلب صندوق السراير والأفكار
والهرج مفتاح القلوب المغاليق
حي الكلام الي مثل طلع الاثمار
ولايحفظه غيرالرجال المطاليق
ولايفهمه يدرى طويلين الاعمار
ولاعندهم في طيب القول تفريق
الهاجس الي مربالي وهومـار
مالي عنه مجنب ولالي مداريق
حلوالمثايـل كنهانورالاقـمـار
طرقت معناهاسوات المطاريق
واختامهاصلوعلى خيرالابـرار
موضح(ن)الحق من دون تبريق
الفكر دايم منشغل وأنـا محتـار
أحاول أتسلى ببـدع الطواريـق
بأسبابها يالربع انا ذقت الأمرار
واشكي لربي رب كل المخاليـق
محبتي علـى كتـاب الله البـار
امر بها الإسلام ماهـي بتلفيـق



أحمد بن حامد الزايدي ( قصيدتك تنم على وجود موهبة خلفها ,,, فالك التوفيق والعلم الطيب يالزايدي)


ونأسف على التأخير

سلطان المنصوري

لك من الشكر أجزله

وبالتوفيق لجميع المشاركين

اخووووووووووووووك

الاخ والاستاذ والشاعر/ سـلطان المنصوري خليفة راعي الباكور اكرر الشكر لك

وماقصرت يابو هياف على التقييم ولا نستغني على الملاحظات

كما اننا نتظر البيت الثالث والمسابقه الثالثه

(والله يعينك علانا )


لك جزيل اشكر .

الله يعطيك العافيه ياسلطان المنصورى علا تقييمك لنجوم المستقبل ولاهنت وننتظربيتك الثالث في الدوره الشعريه (اخوكـــــــــ)(الســــــــــأيـــــــــر)