(المناسبة)
ألم بالشاعر عوض بن سليم وعكة صحية ولما تماثل للشفاء
إلتقى بالشاعر بن تويم فدار بينهم الحوار التالي ..
ابـــــــن تـــويــــم
يامرحبـا يامالكـي عنـد عتـبـان
عتبان حطـوك الصديـق الموالـي
يزول باسك بعدما صـرت وجعـان
وان مت مانت اول ولا انته بتالـي
بـــــــن ســلـــيـــم
تبقون وانتم لي عوانـي وجيـران
جيرة نظيفـه مثـل عـد الزلالـي
يامدرج الافلاك لو كـان لـو كـان
والعمـر بيـدك يارفيـع الجـلالـي
ابـــــــن تـــويــــم
جيران يـاراع التماثيـل واخـوان
والله طليـع ابكـل سـرا وحـالـي
لو بيني وبينك فـي الارض حـدان
تصفـى مشاربهـا بعلـط السلالـي
ابـــــــن ســلــيـــم
الطرقي اللي جاك فـي دار ميسـان
اقبل سوالك وانـت تقبـل سوالـي
يابن تويم ان كان قضاي غرضـان
تبـا تصافقـك الصبـا والعـوالـي
ابـــــــن تـــويــــم
الطرقي اللي مربعـه خبـت نعمـان
ماهو براقي فـي عسيـر الجبالـي
الدرب صفيـان عسيـرة وريعـان
ماهو جناب ابيض وماهـو رمالـي
ابـــــــن ســلــيـــم
هني من يحسد علـى كـل جيعـان
حاله بلـي والبيـت مالـزاد خالـي
كيف النظر لن جاك في البيت ضيفان
يبـون جـودك ياكريـم السبـالـي
ابـــــــن تـــويــــم
لن زارنا ضيفان يالذيـب سرحـان
نفعـل كمـا مايفعلـون الرجـالـي
وان حطوا الضيفان في النار دخـان
حطيت في الضيفه حـرام وحلالـي
ابـــــــن ســلــيـــم
ياوجـد روحـي ياجملنـا كحيـلان
الى عدت بـك مصعبـات الجمالـي
اللي غدا مابيـن حضـرا وبـدوان
ليته سلم سحب الرسـن والعقالـي
ابـــــــن تـــويــــم
كثر التوجد ليس هو قاضي الشـان
ياشاربيـن الكيـف مـرا وحـالـي
يامالكي لو كنت مثـل ابـن كنعـان
اقيـس اجنيهـك يـعـود ريـالـي
ابـــــــن ســلــيـــم
ماينبني بنيه علـى غيـر سيسـان
بنيه بـلا سيسـان تغـدي هيالـي
انا بعد ما اوحيـت مانـي بغضبـان
وقت اللـزوم يسدنـي مابـدا لـي
ابـــــــن تـــويــــم
ماينبني حصن على غيـر الاركـان
ميـرك تلـزم بايمنـك والشمالـي
لو كنت نازل بين رابـغ وعسفـان
ماتسمـع المـذن لـو انـه بلالـي
ابـــــــن ســلــيـــم
عـز الله انـي ماتمنيـت الاوطـان
الا المكـان اللـي لابويـه وخالـي
وان كان ولينك للاسفـار عشقـان
دور لهـا حتـى يـقـر الخيـالـي
الإهداءات
03-19-2008, 11:47 AM
محاورة بن تويم وبن سليم رحمهم الله
