قالوا تحمس للشعر قلـت شاعـر=هذي الشعور اللي تهز المشاعـر
قالوا تعطـش للفخـر والمعالـي=قلت أعتقد مابعدها مـن مفاخـر
قالوا تحب المجد والمجـد غالـي=قلت أعتقد في سوق الأمجاد تاجـر
قالوا تحب العـز والعـز سامـي=قلت أعتقد عز أرضي من النـوادر
قالوا تحـب المرجلـه والكرامـة=قلت أعتقد منهـا بنيـت المنابـر
قالوا تحب الـدار وتحـب أهلهـا=قلت أكثر من حب النظر في النواظر
قالوا ويش اللي زاد حبـك إليهـا=قلت الثقة بالنفس ماضي وحاضـر
هذي بلادي كل مـا أملـك فداهـا=أعرض حياتـي دونهـا للمخاطـر
هذي بلادي مهبـط الوحـي فيهـا=منها أنطلق نور الهدى والبصايـر
هذي بلادي نـور الإسـلام منهـا=سارت بها الدنيـا تـزف البشايـر
هذي بـلادي ياسقـي الله بـلادي=يشهد بعـز اربوعهـا كـل زايـر
فيها الكرم فيها الوفـا والشهامـة=فيها ملاذ الجار عـن كـل جايـر
فيها ذرى اللاجي متى ما قصدهـا=فيها حمى الخايف وستر الحرايـر
أرض السعود امطوعة كل عايـل=ستر البنـات منقضـات الضفايـر
زبن الدخيل اللـي جفتـه الليالـي=ريف الضعيف اللي من الوقت حاير
سقم الحريب اللي تجـاوز حـدوده=عليـه بأمـر الله تـدور الدوايـر
دولة وشعب لهم وراء المجد غاية=يصلونها مـا حسبـوا للخسايـر
أحدث شهادة عام واحـد وتسعيـن=بعد مضي عشـرة وسبـع ينايـر
حين ارتفع قوس النصر في سمانا=ورفعت عن أخدود الصبايا الستاير
وتحرك الجيش الشجـاع المظفـر=نحو الهدف علـى ثلاثـة محـاور
حول ميـاه البحـر نـارا تلهـب=واللي على هام السماكيـن طايـر
من كل من يفخـر بجـده وخالـه=تطلقوا مثـل الصقـور الكواسـر
واللي على البـر اختلقهـا زلازل=حتى نشف ريق العـدى بالحناجـر
أن نظـروا للجـو نـارا تـقـود=وأن نظروا للبحـر بركـان ثايـر
وأن نظروا للبر فيهـا العواصـف=تقذف مدافعها الحمـم والخناجـر
فيهم من استسلم على غير راضي=رافع يديه ومن على الجمر سايـر
وفيهم من اللي حالت الأرض دونه=وسارت خنادقهـم عليهـم مقابـر
واللي بقي منهم منـي بالهزيمـة=وخرج وهو في موكب الذل صاغر
صاغر تراهـا جملـة مستعـارة=واللي نطقها الفهـد والكـل خابـر
ما قالـه الفهـد المفـدى نقولـه=والفرق ما بين العلـن والسرايـر
حنا هلا النجـدة حمـاة الجزيـرة=لا فرق ما بين المـدن والعشايـر
انقول ونحقق هـدف مـا نقولـه=ما هو خيـالٍ ننسجـه بالخواطـر
قول وفعل يجدونـه النـاس فينـا=لحيث مـا فينـا دخيـلٍ مهاجـر
حنا العرب فينا الشرف والأصالـة=تشهد لنا بالنخوة أعلى المصـادر
في سوريا في مصر كل العروبـة=وشعب الخليج اللي يشوق النواظر
يقودنـا للعـز فـهـد المـفـدى=وحنا نطيع لما يبـي وهـو يأمـر
يعيش أبو فيصـل وتسلـم بـلاده=شيخاً على حمل المهمـات قـادر
حل أسر شعبٍ في الكويت المحرر=سبعة شهور وهو على الظلم صابر
شعبٍ تصـدى للعـدو واحتلالـه=رغم العذاب وما حصل من مجازر
شعـبٍ تصـدى للعـدو والخيانـة=مع كل ما قاساه خافـي وظاهـر
تعرضوا لأشبـع فنـون الجريمـة=سفك الدما الطاهر وقلع الأظافـر
وقتل الشباب ابدون ذنـب وخطيـة=فوق انتهاك أعراض نجل المحاجر
وتجريدهم من كـل مـا يلبسنـه=حتى خلاخيـل الذهـب والأسـاور
يا للخزي من كـل مـا يفعلونـه=قادة بدون أخلاق والجيـش فاجـر
شعبٍ تحمل بالصبـر والشجاعـة=مازخرحه عن ديرته غـدر غـادر
شعباً صمد حتى وصفّـى حسابـه=وأدرك حسد وأطماع بعض العناصر
قادم وجاهد وانتصر فـي جهـاده=والله على أصحاب البغي خير ناصر
ياهل الوفا وش لون فهد المفـدى=مهما مدحنا مدحنـا فيـه قاصـر
هو جابر عثرات الكرام وسندهـم=إن كان لعثرات الكريميـن جابـر
ادعوا معي بالدعـوة المستجابـة=يسلم فهد ويعيـش جابـر وجابـر
الإهداءات
06-13-2008, 10:43 AM
