سواجـــــع الشــوق باتت في أغانيها=تتلو فنون الهــــــوى والوجد يمليها

دللّت بالروح لين ارخصـت جانبها = وأنا عتيبي عــــريب الــجد والخالي

أول استبـداي باسمـك ياحـنـون=ياكريـم مـا تخالـفـه الظـنـون
امرك المحفوظ فـي كـاف ونـون=وانت لي فـي كـل مغـواة دليـل
هيج اشواقي حمـام فـي الغصـون=بات ساجع فـي بديعـات اللحـون
بيـن تغريـد وترجيـع يـهـون=مادرى اني في الهوى مثلـه عليـل
ياحمـام الـدوح هيجـت الغـرام=ما سبب نوحك ومالك مـن مـرام
اعطني عهدك وخـذ منـي ذمـام=بيعني شوقك وخـذ شوقـي بديـل
ان فـي قلبـي جـروح ماتطيـب=مابـدت حتـى يداويهـا طبـيـب
من هواجس جات من فرق الحبيـب=باح مكنونـي وصبـري مستحيـل
كلمـا هـب الصبـا قلبـي صبـا=من غزال في الحمـا فـاق الظبـا
ظبي جازي يرتعـي نبـت الربـا=يسلب العشـاق بالطـرف الكحيـل
مـال عنـي بالتجافـي والصـدود=مابقي غيـر الحسايـف والوجـود
كم رعيـت النجـم والعالـم رقـود=والمحاجر دمعهـا الصافـي يسيـل
زارني طيفه كمـا طيـف النسيـم=جـدد الاشـواق والعهـد القـديـم
وانثنى فـي داجـي الليـل البهيـم=قلت زدنـي قـال يكفيـك القليـل
آه مـن هـم شـوى قلبـي بنـار=وان طلبـت الصبرماالقالـه قـرار
كيـف ابـا صبروالحشـا للهم دار=صار مالكني وانـا عنـده نزيـل
قمت ممـا حسنـي عنـد الهجـوع=يـوم كـل نـام ولعـت الشمـوع
والهواجس جاتني تمشـي جمـوع=مثل ورد النحل فـي وادي طفيـل
أو كما سيل تسايـل مـن مضيـق=يقلـع الحيطـان والسـد الوثـيـق
يأخـذ الاشجـار ويسـد الطريـق=زاد عن حده وضاق بـه المسيـل
طار نومي يوم نامـت كـل عيـن=بت ساهـر مـع نجـوم الفرقديـن
من هواجس من جفا من جور ديـن=ما بقا الا البعـد عنهـا والرحيـل
صوب ارض الشام أو ارض العراق=عـل يـوم فيـه ينحـل الـوثـاق
كم نقاسـي والقسـا مـر المـذاق=ربما نلقـى عـن المنـزل بديـل
دع بـلاد الـذل وارحـل يالبيـب=واغتـرب فالكـل بالدنيـا غريـب
القضا مكتـوب والداعـي نصيـب=اركب الاخطـار والهـول المهيـل
وان جفتك الدار أو مـال الزمـان=لاتعيـش بــدار ذل أو هــوان
لـو يظلـي نبتهـا مـن زعفـران=صاحب الاخطـار واجعلهـا دليـل
شد عن ارض الاعـادي والحسـود=واطلـب العليـا وبالـغ بالجهـود
لو يكون العز فـي غـاب الاسـود=خير مـن دار تعيـش ابهـا ذليـل
كـل مـن رام العـلا يرقـى لهـا=سلـم الاخطـار فــي اهوالـهـا
مـن تراخـى عزمتـه مانالـهـا=دونهـا يقصـر البـاع الطـويـل
اقطع البيـدا علـى عـوج النضـا=لو يكن تمشي على جمـر الغضـا
مـا يفـوت العمـر قـدام القضـا=دين عنـدك ليـن ياتيـك العميـل
عاشر الاحرار مـن اهـل الرتـب=تستفيـد العـقـل منـهـم والادب
حيث هم اهـل المـروة والنسـب=واترك الانذال مـا منهـم حصيـل
سل عـن الجيـران قـدام النـزول=وان سمعت الناس تهـرج لاتقـول
تكتسـي ثـوب المعـزة والقبـول=والخلايـق يذكرونـك بالجمـيـل
كم كـلام راح فـي نقلـه نفـوس=وانت ماتاخـذ علـى نقلـه فلـوس
لاتفتـش كـل حـب فيـه سـوس=كم تخوض الناس في قـال وقيـل
صون عرضك من ملاغات السفيـه=واترك الكذبـان سـودان الوجيـه
من حكى عنهم يعـود الكـذب فيـه=كيف تاخذ هرج مـن بايـر هبيـل
اترك البيت الردي وانص الرجـال=خذ عريب البيت مـن عـم وخـال
يوم تنظـر فـي ولدهـا كالهـلال=وان مشى بالدرب ما يغوى الدليـل
خذ عزيز البز من زيـن القمـاش=والردي لو كان يعطونـك بـلاش
ما يفيدك كيف تاخـذ شـي مـاش=بيعـة المغبـون منهـا يستقـيـل
دور الطيـب لـو وغـال الثمـن=لو يكون القصد في صنعـا اليمـن
لا تغرك صقلـة الوجـه الحسـن=ابـذل المجهـود بالمـال الجزيـل
الذهـب مـا يخلطونـه بالنحـاس=غير بعض الناس ما عنـده قيـاس
خذ نصايح ما حواهـا بـو نـواس=مثل نظم الـدر واللولـو الأصيـل
وان ملكت المال لاتغـدي شحـوح=اطعم الجيعـان واكسـي كـل روح
الدبـش والمـال لابـده يــروح=والثنا والمجـد جيـل بعـد جيـل
هم روحك واغتنم عصـر الشبـاب=ان لـلأيـام مـيـل وانـقــلاب
ونت فيها تنطـوي طـي الكتـاب=لاتغـرك صحـة العمـر الطويـل
اترك الدنيا ليـا جاتـك ضحـوك=لا تغـرك بالملاعـب والشكـوك
كم غرر فيها وكـم غـرت ملـوك=ضحكها غرار ما اسرع مـا تميـل
والعدو لا تأمنـه لـو بعـد حيـن=لو حلف بالبيـت والركـن اليميـن
الحقد والبغـض فـي قلبـه دفيـن=وان ضحك بالوجه قلبه لـك غليـل
خـل عنـك الكبـر فالله الكبـيـر=لا تحاقـر عـاجـز والا فقـيـر
واعلـم ان الأمــر لله الخبـيـر=يقصـم الجبـار ويعـز الذلـيـل

ايامنا والليالي كـــم نعاتبــــها= شبنا وشابت وعفنا بعض الاحوالي
تاعد مواعيد والجاهل مكذبها= واللي عرف حدها من همها سالــي
ان اقبلت يوم ماتصفي مشاربها= تقفي وتقبل وما دامت على حالـــــي
في كل يوم تورينا كبـايبهــــا= واليوم الاول تراه احسن من التالـــي
ايام في غلبها وايام نغلبها= وايــام فيـها سوى والدهــر ميالـــي
جربت الايــام ومثلي من يجربها= تجريب عاقل وذاق المر والحالـــي
نضحك مع الناس والدنيا نلاعبها= نمشي مع الفي طوع حيث مامالــــي
كم من علوم وكم اداب نكسبها= والشعر مازون مثقال بمثقالــــــي
اعرف حروف الهجا بالرمز واكتبها= عاقل ومجنون حاوي كل الاشكالي
لكن حظي ردي والروح متعبها= مافادني حسن تأديبي مع أمثالي
ان جيت ابي حاجة عزت مطالبها= العفو ما واحد في الناس يا والي
قوم ليا جيتـها رفت شواربــــــها= بالضحك وقلوبها فيها الردى كالي
وقوم ليا جيتهـا صكت حواجبها= وابدت لي البغض في مقفاي واقبالي
ما كني الا اسموي حال مغضبها= والكل في عشرته ماكر ودجالـــــي
يا حيف تخفىامور كنت حاسبها= والاهل واصحابنا والدون والعالي
والروح وش عذرها في ترك واجبها= راح الحسب والنسب في جمع الاموالي
نفسي تبى العز والحاجات تغصبها= ترمي بها بين اجاويد وانذالــــي
المال يحيي رجال لاحياة بــــها= كالسيل يحيي الهشيم الدمدم البالي
عفت المنازل وروحي يوم اجنبها= منها غنيمة وعنها البعد اولى لــي
لاخير في ديرة يشقى العزيز بها= يسشي مع الناس في هم واذلالـــي
دار بها الخوف دوم ما يغيبها= والجوع فيها ومعها بعض الاحوالي
جوعى سراحينها شبعى ثعاليبها= الكلب والهر يقدم كل ريبــــــالـــــي
عز الفتى راس ماله من مكاسبها= يا مرتضي الهون لا عز ولا مالـــي
دللت بالروح لين ارخصت جانبها= وان عتيبي عريب الجد والخالــــــي
قوم تدوس الافاعي مع عقاربهـــا= ولهــا عزايم تهد الشامخ العالـــــــي
خل المنازل غراب البين يندبهــا= يبكي عليها بدمع العين هطـــالـــي
لاتعمر الدار والقلات تخربها= بيع الردي بالخسارة واشتر الغالي
ماضاقت الارض وانسدت مذاهبها= فيها السعة والمراجل والتهفلالــــي
دار بدار وجيران بجيران نقاربها= وارض بارض واطلال با طلالــي
والناس اجانيب لين انك تصاحبها= تكون منهم كما قالوا بالامثالـــــــي
الارض لله نمشي في مناكبها= والله قدر لــنا ارزاق واجـــالـــــــي
حث المطايا وشرقها وغربهــا= واقطع بها كل فج دارس خالــــــــي
واطعن نحور الفيافي في ترايبها= وابعد عن الهم تمسي خالي البالــــي
من فوق عملية تقطع براكبـها= فدافد البيد درهام وزرفــــــــــالي
تبعدك عن دار قوم ودار تقربها= واختر لنفسك وللمنزال منزالـــــي
لو مت في ديرة قفرا جوانبها= فيها لوطي السباع الغبس مدهالــي
اخير من ديرة يجفاك صاحبها= كم ذا الجفا والتجافي والتعلالـــــي
دوس المخاطر ولا تخشى عواقبها= تسعى على الرزق ماحت للاشبالي
والشمس في برجها والغيم يحجبها= قفي وتقبل لها في العرش مجدالـي
رب السماوات يامحصي كواكبها= يا مجري السفن في لجات الاهوالي
ضاقت بنا الارض واشتبت لهايبها= والغيث محبوس يارزاق ياوالـــــي
يالله من مزنة هبت هبــايبها= رعادها بات له في البحر زلزالـي
ريح العوالي من المنشا تجاذبها= جذب الدلي من جبا مطوية الجالي
ديمومة سبلت والاخت ذوايبها= وانهل منها غزير الوبل همـــالـي
تسقي ديار شديد الوقت حاربهـا= ما عاد فيها لبعض الناس منزالـي
يا جاهل اسمع تماثيل مرتبهـا= فيها معاني جميع القيل والقالــــي
مثل المحابيب زادت في قوالبها= في صرفها زايدة عن قرش وريالـي
يارب توبه وروحي لاتعذبهــا= يوم القيامة اذا ماضاقت اعمــالـــي
وازكي صلاتي على المختار واوهبها= شفيعنا يوم حشر فيه الاهوالـــــي

آخر زمان وكل مـن عـاش خبـر=وبغيت اقول الميت ارجى من الحـي
ورد حبالـه فـي زمانـه وصـدر=ان كان اهو ضميـان ولا روى ري
ما عاش في هـذا الزمـان المغيـر=واحوالـه اللـي ماعرفنـا لهـا زي
دنيـا عجـوز وغيهـا مـا تغـيـر=تضحك مع الجاهل وتعجب هل الغـي
جار الزمـان وسـل نابـه وكشـر=واسعار طارت والمخاليق فـي لـي
وقـام الامـام وسـل سيفـة وكبـر=واهتز من صنعاء ليـا بـاب منبـي
والشمس دارت وجهها واقتوى الحـر=ما عاد يمنع من لضـا حرهـا الفـي
والطير الاصفر عاشر الطير الاخضر=بطيور ما نعرف لهـا وجـه وقفـي
والنار شبت والحطـب سـاع جمـر=واللي يدوس النار يصبر على الكـي
والنيل فاض وظنتـي يخـرب البـر=واهل البيوت الطارفـة مالهـا تـي
بعنوانها باخبرك عن كـل ماضمـر=شبت وشابت وابدلت عـود بصبـي
وراع النصيحة ضاع نصحه وعـذر= قال اسمعوا لكـن مـا يسمـع الحـي
وريح العوالي قابلت ريح صرصـر= وكل مافيهـا جـرى شـوف عينـي
والنمل جالـه ريـش نسـر وعمـر= وان استمر الحبـل لابـد مـن لـي
والنمـر حنـب والحصينـي تنمـر=حاسب حساب الغاب من جملة الفـي
وان كان الافعى نابهـا مـا تكسـر=عضت وسار السم لاصق مع الـدي
وان كان عظـم الداعيـة مـا تحيـر=اذا اظلمت ماعاد يبقـى لهـا ضـي
واللي حكم في سابق العصـر عبـر=تعبير يعقوب ابن اسحـاق يـا بنـي
الظلـم ظلمـة وان دخـل دار دمـر=ودنياك ما دامت لحاتـم ولـد طـي
منها السلامـة راس مـال ومتجـر=والقول كنـي لازم الشمـس بايـدي
واختـم كلامـي بالنبـي المـنـور=صلـى عليـه الله مـا سيـر الحـي

ياراكب اللي ياخذ الحزم مواج= مواج دار وتاه في الغبــتيني
يوم استشد الريح ترميه الامواج= أمواج بحريضرب الجالتيني
ضاري على قطع الفيافي وسجاج= سجاج بين الشرق والنقرتيني
محنوني كالقوس منعاج منهاج= مثل الهلال اللي ولد ليلتينــــي
والا كما سرحان مع فج الافجاج= والا الغزال اللي رمى مرتيني
يجفل ليا ماشاف ظل العصا ماج= راعيه ما يقدر يمد اليدينـــــي
كوره عقيلي مشترينه من الحاج= والميركة والخرج والغرتينـــي
ضرب عليه اليا سجا الليل وانساج= وزارت مراسيل الكرى كل عيني
خله مع الريعين والدرب مدهاج= والسيل مره ما مضى ساعتيـــني
واحرم بعمره واقطع الدرب منهاج= منهاج من يمشي على الفرقدينـــي
تصبح بمكة حزة الصبح منباج= واسع وطـف وصل لك ركعتيــني
وانص الملوك اللي لهم نور وهاج= نور من المشرق الى القبلتينـــــــي
تلقى الوفود الهم كما وفد حجاج= يوم الثمان ومصعدين القرينــــــي
سلم عليهم واخرج الهرج مخراج= واعرف مقام الملك في الحالتينــي
واخرج لهم خط طوى طي ديباج= هدية من باشة المحمــليـنـــــــــي
منظوم فيها ابيات من بحر عجاج= نظم الجواهر في سلوك اللجينــي
يا عون يا سيدي وصلت انت فراج= وانا تراني عند سيدي الحسينــي
حيث ان له عادة وله جود ثجاج= من معصرات الجد والوالدينـــي
يا بن محمد يا غنى كل محتاج= ياعيد مديون تحمل بدينـــــــــي
خدامكم شفه من المـال سيراج= والا فرنجيه لهــا جبدتينـــــــي
حتى يودي ذكرها كل هراج= واخبارها تاصل والعدينـــــــي
وابدي لك البيضا عدد ريح الافواج= وتمشي ركاب المدح بينك وبيني
ويفرح صديقي والعدو صاده افلاج= من غبنها دمعة من العين عينـي
وصلوا على من خصه الله بمعراج= محمد المختار جـد الحسيـنـــــي

كــم فقير مــات قــدام الممات= موت بعض الناس خيرمن الحيات
ان بكن أو ما بـــكن النايحات= البكا خسران في بعــض الهــزيــل
والف صلوا ماسجع با لاشتراك= ساجع القمري على غصن الاراك
في رياض علها نوء السماك= كل يوم الركب له فيـــها مقيـــــل
تبلغ المختـار والصحب النجوم= ما سعى أو طاف بالبيت القـــدوم
والمصاحف والمكاتب والعلـــوم= والحصا والرمل ميل بعد ميـــل

انفكت السبحة وضاع الخرز ضاع= وبغيت ألمه يا سليمان وازريت
صار الذهب قصدير والورد نعناع= أنكرت ريحه مختلف يوم شميت
الباب طايح والمسامير خـــلاّع= والحَبّ فيه السوس والفار في البيت
أمسيت أكيل الراى بالمد والصاع= قست الأمور وعفتها ما توريت
لا فاقد الحيلة ولا قاصر الباع= ويا الله يامولاي فيك استغريت
الذيب رزقه في مبادين الأرواع= وانا برزقي في زماني تعنيت
وانا مربّى من زماني ومطواع= ربتني الأيام حتى تربيت

سرى بارق في سد بارق يلوح لي = واناشاقني برقٍ ينوضْ سْناه
عسى الله يسقي كل دارٍ سنيّه = وكل يجيه الخير في مشحاه
عسى الصيف من نوّ العقارب يعلّها = ثمانٍ سوا والاّ ثمان كماه
بعد يبْستْ الدّيره يخضر جنابها= ويطول الحيا حتى يزين حياه
تلين القلوب القاسية عن قساها = ومن باعْ غالي ما يدوم غلاه
أقوله وانا ما في ضمايري = كلامٍ على باب الكلام معناه
أنا بوصيك ياعبد العزيز ان سمعتني= ترى الصقر يسمع مايقول ابـاه
إذا مانصاك الضيف رحب وهل به= ترى الرحب يقري الضيف دون اقراه
وقــدم لـه الميسور وزين له النبا= واعز العرب من هو مليح انباه
ولا تندرق عنها ليا جاتك ناصيه= ولو كان عودك ماعليه الحاه
ولا تعترضها ون تعدت مجنبه= كما معترض سيل يجر انحاه
وابا اوصيك صون الجار واصبر لزلته= ولوكان تسمع كل يوم ازراه
ترى الجار ستر الجار يحمي سرايره= وعزى لجارٍ مايظل اذراه
وابااوصيك بنت اللاش والمنبت الردى= وبيت الردا خطرٍ عليك ارداه
يجيك الولد من بنتهم خايب النبا= كما زرع ودن مايرد اذراه
حذارا اتعدى عن بيوت الشجاعه= وبيت الشجاعه ما يطيح ابناه
وعز الرفاقه لو ترى منهم الجفا= عسى لك رفيق ولو يزيد اجفاه
رفيقك سلاح الضيق تلطم به العدا= ومن قل جيشه يطمعون اعداه
وضيم الرفاقه علةٍ مالها دوا= يكون الرجا والصبر هو ا ادوه
تراها كما بنت الزنا شقلبية= يقع ينــبني سد وثيق ابناه
وحذرك من حلف اليمين المضره= تلزم بحــبل الله ولا تنساه
ترى الدنيا تقطع كل عصبه قويه= ومن يتقى فالله مايخيب رجــاه
ولا تكره اللي ينصحونك عن الغوا= ترى كل غاوي ينشــبه اغواه
ولاتاخذ الاشوار من عند جاهل= يقع عاقل تلقى الزمان ارباه
وضم اللوازم كلها ثم ضمها= بحبل من العزم الوثيق اقواه
وصلو على المختار ماهبت الصبا= وماحج من فج بعيد امداه

دنياك هذي كلها هَزِّ قاروق= ما تعرف الصاحب من اللي معاديك
واكثر كلام الناس بالمكر والبوق= يهرج معك واليا تِقَفَّيت يرميك
المال دايم صاحبه مرتفع فوق= والقل خايب لو تَرَفَّعْت يرْخِيك
عزِّي لمن دَوَّرْ لها عند مخلوق= إما بخل ولاّ مَنَن يوم يعطيك
أوصيك بالطيِّب إذا كان لك ذوق= إرمه وراك ولازمٍ إنه يلاقيك
يا العبد هوِّن كل مطرُود ملحُوق= لا تِشْتَحِن لك رَب ما هُو مخليك
اللي جعل لك رُوح جاعلك مرزُوق= كما تَكفَّل بك من الخلق كافيك
يعطي وباب الرِّزق ما هُو بمغلوق= واليا طلبته وانت محتاج يعطيك
الرِّزق له حبسه وله وقت مطلُوق= وإن مت ظل عند قبرك يناديك
والموت جايك لو تقع جوف صندُوق= دع عنك ما بك من حذر لا يعنيك
لا تشتغل بالمال ترى المال ممحُوق= ما مالك إلاّ ما تمده أياديك
إن كان مالك يا فتى ضيق السوق= تراه عند الموت ما هو منجيك
الجار والعاني لهُم شرط وحقُوق= والضيف واجب تكرمه يوم يلاقيك
وان كان تبي تأخذ المدح مطبُوق= خلك مشمر دُون ضيفك وعانيك
صُون الأمانه واظهر الهرج بصدُوق= ولا تعاشر صاحب البوق يعديك
لا تصحب الخاين ولا تامن النُّوق= وان لاح براق الحيا عَذَّرَت فيك
والدرب لا تامنه لو كنت مرفُوق= إلا بِحدٍّ في يمينك يباريك
أترك طريقة كل عاشِق ومعشُوق= ترمي برُوحك في الشرك ثُم يرميك
والكلب ما يتبعك لو تلبسه طوق= ولا خلاخيل الذهب ما يراعيك
وبالصبر تغلب صاحب العزم يا شوق= والعزم طيب مَيْر حزات يرميك
وافرح ليا منك عن الشر مدروق= واحذر صديقك واحذار اللي يُواليك
هذا كلام الصدق ما هُو بمسروق= وابيات يا قلبي بِناَهَا يسَلِّيك
من هاجسٍ يطمي كما بحر صافوق= احذر على القلب الشقي يوم يِطْريِك
يا رَبِّ تجعلني من النار معتوق= واجعل ختامي طيباً يوم الاقيك

الملـــــك لله والدنيــــا مـــــداولةٌ= ومــــا لحيٍّ على الأيـــــام تخليـــد
والناس زرع الفنا والموت حاصدهم= وكل زرع اذا ماتم محصــود
الناس ذا فاقد يبكـــي أحبتــــه= وذاك يبكى عليــه وهو مفقود
وذاك أبدت له الأيام زينتها= وذاك ايامه هــم وتنكيـــــــــد
ان سالمت غدرت أو وههبت رجعت= ظل يزول وما تعطيه مردود
والدهر وجه عبوس في تقلبه= وللمنايا سهام صيدها الصيد
تصطاد ما لا تكاد الأسد تنظره= وحيلها لاصطياد الكل ممدود
لو يمنع الموت سلطانا بقوتـــه= لكـــان حيا سلــيمان بن داود

ما يعطي الله الا مســتحقينا= سبحان من سبقت احكامه فينا
كل الامور التي تجري بقدرته= يقضي بما شاء لايقضي بما شينا
اختار للملك عبدالله عن ثقـة= الله راض وكان الناس راضينا
والملك لايبتغي يوما به عوضا= وان ارادوا وان كانوا محبينا
اقام اركانه عدلا وشيده= ونحن في ظله والامن راعينا