قصيدة للشاعر علي بن عثمان بن سفر الشوهه الثبيتي - منتدى قبيلة الثبته الرسمي ====thobit.com ====

08-07-2008, 05:42 AM

]مناسبة هذه القصيدة:
عندما دُعي الشيخ معيض بن مليحان (شيخ قبيلة المراوحة) من قبل قبيلة أهل جدارة بني سعد للإحتفاء به بعد خروجه من المستشفى بسلامة بعد أن حصل له حادث سيارة فذهب إلى الرياض للعلاج, وعندما عاد سالماً دعاه قبيلة أهل جدارة هو و قبيلته حيث ألقى الشاعر علي بن عثمان الشوهه الثبيتي هذه القصيدة ترحيباً بالشيخ بن مليحان و جماعته وهم تقريباً ثلاثمائة رجل. وقد كانت هذه الحادثة قبل مايقارب الثلاث عشرة سنة.

[center]

يا مرحبا ترحيب ما يحصى حسابه ترحيب بالشيخ وعزاه ومن حضر
عّد الخيال اللي من المنشأ سحابه وعّد ما يطلع فالأغصان الثمر
وعداد طلع النبت فالضلع وجنابه وعّد ما يكسى بالأوراق الشجر
وعّد ما خطوا بالأقلام الكتابة وعّد ما نور القمر شع وظهر
ترحيب من جهالنا ومن الشيابه باللي لفونا في هذا اليوم الأغر
أقولها في قدم قيف وقدم لابه قالوا قله وان قولها شيخ وجبر
ياشيخنا يا سيف ثابت في نصابه محبتك في قلوبنا عز و فخر
يومٍ جرى الجاري وجاب اللي جرابه و اقفيت عنا للرياض المعتبر
الكل منا عاف زاده مع شرابه لا نوم طاب لنا ولا طاب السمر
كل ٍ يقل يالله ترده من غيابه ويعّود بخير وتسلمه الكدر
ونعيّد لنا عيد كلٍ يحتفا به وعن عيدنا و افراحنا ننشر خبر
خبر فرح وسرور للي مادرى به يدري به اللي فالكويت وفي قطر
ويا ناشدٍ ويش النسب ويش القرابه حنا عيال اثبيت من بطن و ظهر
واللي حسب حسبه يراجع في حسابه قبل انتلفت فيه و انحد النظر
درب الخطأ ما نسلكه وندق بابه ما نسلكه لو يسلكه زيد و عمر
واللي يبي معنا خطا لا وآعذابه نرد راع العوج عنا بالقطر
من سابق الأيام ما حنا نهابه لو تصفق الهبان من بر و بحر

وســـلامـــتكم

08-08-2008, 06:28 AM

الله على هذا الابيات القويه يابو محمد وانا اتمنا انيعود هذا الشاعر للميادين وانا اعرف علي شاعر خصيم
والله اكبر على هذا لابيات
وانا بودي ان اولاده ينزلون له محاورات ولبوه بعد لكن مادري ليش

ويا ناشدٍ ويش النسب ويش القرابه حنا عيال اثبيت من بطن و ظهر
واللي حسب حسبه يراجع في حسابه قبل انتلفت فيه و انحد النظر

واذا تقربله يا شاعر المعنى ياليت تتحفنا

تقبل مروري

08-08-2008, 09:41 AM

يعطيك العافيه وماقصرت

08-10-2008, 09:44 PM

يعطيك العافية على النقل ولاختيار الموفق

09-17-2008, 05:13 AM

قصيده في قمّة الروعه

مشكور على نقلها

ولاهنت

10-05-2008, 10:24 AM

مشكور اخوي شاعر المعنى
وياليت تتحفنا بقصائد اخرى للشاعر علي الشوهه زي ماطلبوا الاخوان قبل اذا تقدر وخاصة مع الشاعر هلال السيالي او محمد بن تويم واللي اعرفه انهم تقابلوا في نفس الحفل اذا ماكنت مخطئ
وتسلم
up

=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا.
=== هذه الرسالة تلقائية ===

10-07-2008, 06:20 PM

سالم ولك كل علم غانم ويعطيك العافيه

10-12-2008, 03:06 PM

قصيدة جزله ,,,,, من شاعر كبير

تسلم على النقل الراااائع

يعطيك العااافيه