ياهاجس الشعر لاتقرب وخلّك بعيد = خلّك كما السيف في وقت الطلب سلّته
من عقب ماكنت أريدك صرت ماعاد اريد = والروح ماعاد تبغى الشي لاملّته
غيري يبونك عددهم كل لحظه يزيد = كم ناس لرضاك حتى الفرض ماصلّته
اليوم كل(ن) يقول انّه يجيد القصيد = العود والورع حتى البنت متفلّته
ودلالهم ماتقول الاّ حوايس عبيد = واحد من الألف حط الهيل في دلّته
أغاني العندليب بصوت عبدالمجيد = الفرق فى الصوت والباقي على حلّته
نفس القصايد تكرّر ماسمعنا جديد = الشعر بسبابهم عوّد مثل قلّته
الشاعر اللي لفكرة شاعر آخر يعيد = لا واحلالاه يالمشعاب في قلّته
ارتاح ياهاجسي هذا الكلام الاكيد = ان ما شفى الله مريضك ماشفت علّته
من اوّل الشعر مايشريه راع الرصيد = واليوم غارت جيوش المال واحتلّته
عوّد تجاره وكل(ن) جا يبي يستفيد = تولّوا الشعر عالم واخلفوا ملّته
اضحك من عبيد حط الطعم في درب زيد = ومن ضهره ومن ضهر ربعه ملا غلّته
كم صايد انصاد وهوه يحسبنّه يصيد = وكم عين بعد الخساير دمعها هلّته
اللغز مكشوف ويحلّه ياناس البليد = مير أكثر الناس لاذلحين ماحلّته
ياشاعر اخذ النصيحه والكلام المفيد = مهما غدى الليل ضلمى للقمر طلّته
الإهداءات
08-16-2008, 06:25 AM
أغاني العندليب بصوت عبدالمجيد
