دربي طويل وتايه فيه ممشاي

مثل الغريب اللي مضيع دليله

يحدني وقتي على ضيم دنياي

ورضيت بالمقسوم حتى قليله

ياطول صبري وآآآآآآه

ياكبر بلــــــــــــــــــواي


أخفي عن العدوان همي وأشيله

اخاف ابوح بسر قلبي وشكواي

وتصير نفسي بين ربعي ذليله

اضحك ودايم بسمتي تسكن شفاي

ومن شاف حالي قال محد مثيله

وانا بجوفي هم والنار بحشاي

والجرح ينزف والليالي طويله

والعمر يمضي بي وحاير بممشاي

محروم من طعم الحياه الجميله

الياس حل وماتت اليوم رجواي

ولاعاد لي غير الصبر من وسيله

يالله ياعالم بسري ونجواي

تشيل عن قلبي هموم ثقيله..!!

مشكور محب الهيلا أخوي

بالفعل أنت أنسان متذوق للشعر وصاحب أحساس

لاغدمتك ياغالي دائما تشرفني بمرورك الجميل

أخوي الماجد

اسعدني هطولك

عبر طرقاتي

وسرني جميل حرفك

وشذا عطرك

بين ثنايا موضوعي

لاعدمت يراع حرفك

وتقبل تحياتي