يا زين شب النار في بر خالي
مابين ريح الفل والجو هــــــــــــادي
تقضي حياتك فيه والبال سالي
تبعد عن أهل الحسد وأهل النقادي
ممشاك مع ذود ٍ له العقل مالي
يرتاح صدرك لارزمت والــــــــــفوادي
شقح وملح وضح مثل الهلالي
عشاير وخلفات هذا مــــــــــــــرادي
حمر البكار الي على ما طرالي
ريحة عبسها ريح مسك وكــــــــادي
إليا ألعبت حيرانها فالرمالي
وقت الظهيرة وهبدت بالأيــــــــادي
والفحل يرعاها يمين وشمالي
لونه حمر ويضاوسيع العضــــــاوي
سنامه الزبور مثل الجبالي
ولا الأذاني شرف مثل الحدادي
ماهو مربى بالعصا والعقالي
تسمع هديره تقل سيل بوادي
ممشاه مثل البرق وسط الخيالي
حر أصيل بالصحيح الوكـــــادي
هذا شف بال لن طاب فالي
لاصار من فوق الأصيله الشدادي
وختامها ياطيبين الرجالي
صلو على محمد شفيع العــبادي



الشاعر غريب الدار

ماهو مربى بالعصا والعقالي
تسمع هديره تقل سيل بوادي
ممشاه مثل البرق وسط الخيالي
حر أصيل بالصحيح الوكـــــادي


شكرا غريب الدار شاعر تستحق المتابعة

وقصيدة تستحق ان تكون في ديوانية الشعراء

واستأذنك بنقلها

قصيده راااائعه .... جزله من رأس جزل

كلمات معبره ونزف جميل مع شبت الناااااااار

الله على شبت الناااااااار تحت نور القمر


صح لسانك ولا عدمنااااااااااك وننتظر جديدك القااااااااادم

اخي غريب الدار


قصيدة رائعة


يعطيك العافية

اخوي غريب الدار

بيض الله وجهك

قصيدة راائعه من شخص راااااااائع

يعطيك العاااااااااافيه




دمت بود

صح لسانك

ولاهنت



اخووووووووووووووووك